PROGRAM 2025

​​​​​Háteigskirkja

20:00 - 22:00

​

Verð/Price: Festival pass for all concerts kr 3000

Tickets available by the entrance

Free entrance for students //

Hjólastólaaðgengi / Wheelchair access

​

 Kammer- og kórtónleikar með heilunartónlist

 Flytjendur:  CAPUT og Kammerkórinn Röst AK 

​​Stjórnandi : Guðni Franzson

​

Veðurfrétt

Tónskáld: Þórður Hallgrímsson - frumflutningur / world premiere

​

Veðurfrétt er verk byggt á túlkun eða hljóðmyndun (sonification) veðurgagna.
Hljóðfæraleikarar velja fyrst tímabil til að túlka; það getur verið hið sama fyrir alla eða mismunandi eftir flytjendum. Að því loknu velur hver flytjandi stað til túlkunar, en sá staður þarf að hafa aðgengileg og nægjanleg gögn um veðurmælingar yfir valið tímabil.

​

Í verkinu eru fjórir veðurþættir túlkaðir: tími sólarupprásar og sólarlags, hitastig, vindhraði og úrkoma.
Við túlkun hitastigs og vindhraða skal miða við meðalgildi síðustu tuttugu og fjögurra klukkustunda, en við túlkun úrkomu skal miða við heildarmagn úrkomu á sama tímabili.

Að auki geta flytjendur valið að túlka vindátt með því að snúa sér í þá átt sem vindurinn blæs.

​

​

Bláir tindar

Tónskáld: Helgi Rafn Ingvarsson - frumflutningur /  world premiere

 

Bláir Tindar er innblásið af mínum uppáhalds fjöllum á Íslandi; t.d. Esjunni, Hafnarfjalli við Borgarnes, og Snjófjöllum á Holtavörðuheiði, svo aðeins þrjú dæmi séu tekin. Einnig varð ég fyrir miklum áhrifum af málverkum Tolla, verkunum Blár Tindur og Fjallasalur t.a.m.; sambland hlýrar birtu og kaldra kletta.

 

Það má alltaf finna íslensku fjöllin í tónverkum mínum. Þó að verkið sé ekki með titil sem gefur það beint til kynna, þá kemur orkan þaðan. Bláir Tindar er líklega beinasta atlaga mín að fjalla-tónverki til þessa. Verkið fjallar þó jafnmikið um birtuna, og það fjallar um fjöllin.

​

Tónsmíðin var styrkt af Tónskáldasjóði RÚV og pöntuð af tónlistarhátíðinni Erkitíð. 

​​

https://linktr.ee/ingvarsson 

​

Hvernig hljóma fjöllin? - Fjallaferð í leit að innblæstri:

https://musicpatron.com/composer_update/islenskt-tonskald-i-brighton-hvernig-hljoma-fjollin/​

​​

​

Skarfaklettur

Tónskáld: Einar Indra -frumflutningur / world premiere

Ég samdi þrjú ný verk núna í haust sem öll byggja á andardrætti sem grunn. Í fyrsta verkinu, sem ég sendi hér með, hefst flutningurinn á því að áheyrendur taka þátt í 4–7–8 öndun (anda inn í 4 sekúndur, halda í 7, anda út í 8). Þessi öndunarmynstur mótar rýmið og tónmálið, og smám saman bætast við fiðla, kontrabassi, klarinett og rafhljóð sem vefjast saman við andardráttinn.

Verkið heitir Skarfaklettur og byggir á hljóðupptökum sem teknar voru á staðnum. Hvert verk í þessari röð er um 14 mínútur að lengd, en hér sendi ég aðeins fyrsta verkið.

 

Hlekkur: https://s.disco.ac/vytsbwnbdidn

​

Þitt eigið ævintýri í C-dúr

Tónskáld: Dettifoss Bergmann - frumflutningur / world premiere

Samið fyrir ErkiTíð 2025, undir þemu „Litróf hljómanna"

​

Í sérstökum ævintýrabókum er lesandanum gefið val: ,,Viltu að Jói fari í bakaríið (síða 13) eða á hann að fara út að hlaupa (síða 47)?"

,,Þitt eigið ævintýri" gefur hljómsveitinni svipað val. Við fylgjumst með henni vefa sig í gegnum alla króka og kima grunnhljómsins C-dúr og upplifum hann frá öllum sjónarhornum og litbrigðum. Hljómsveitin tekur reglulega skyndiákvarðanir um hvert skuli halda og því er hver flutningur verksins algerlega einstakur.

​

http://foss.fallinn.is

​​

"…allt sem er”

Höfundur: Georg Kári Hilmarsson - frumflutningur / world premiere

​

Verkið er innblásið af texta úr Bókinni um Veginn eftir kínverska heimspekinginn Lao Tse,   íslenskri þýðingu Gunnars Dal. Lao Tse, sem var uppi á 6. öld fyrir Krist, 
var umsjónarmaður bókasafns í Kína og skrifaðu á efri árum rit sitt Tao-te-king, 
sem hefur gengt sem höfuðrit taóisma.

Í Bókinni um Veginn er fjallað um samhljóm manns og náttúru, um einfaldleika, 
auðmýkt og manngæsku sem leið til sáttar og jafnvægis. 

Verkið eins konar hugleiðing um það sem getur heilað ágreining, hraða og spennu nútímans. 
Þegar við upplifum kraftaverk manngæsku og auðmýktar, þurfum við einskis annars og upplifum innri frið.

Tónmálið og hljóðheimurinn sækir að einhverju leiti innblástur í kirkjulega tónhefð, 
og má því segja að verkið hafi trúarlegan blæ, alls ekki bundinn ákveðnu trúarbragði, 
heldur sem eins konar litúrgía lífsins sjálfs. Lítil mótetta til alls sem er.

​